فوائد السفاح السبعه ؟؟

اولا:: السفاح هيساعد على الرجووع الى عادات و تقاليد حميدة .. كأن يكون كل مواطن فى بيته من الساعة 6 المغرب ليتمتع بجو عائلى هادىء دافىء بين احضان اسرته.

ثانيا:: السفاح يساعد على تحفيز كافة مهاراتك القتالية و دقةالملاحظة و بعد فترة تصبح عنيك فى وسط راسك فتستطيع ان ترى فى جميع الاتجاهات دون ان تضطر ان تمشى وتبص وراك تقوم تتخبط بالسفاح فوشك.

ثالثا:: السفاح يقوى رووح الترابط بين المواطنين .. فكل مواطن لن يغمض له جفن الا و يزور او يطمئن تليفونيا على اقاربه اذا كان السفااح قتلهم ام انه فى الطريق الى ذلك.

رابعا:: السفاح يساعد على انتاج الاسلحة الحربية فكل مواطن بعد كده لازم يمشى ومعاه مدفع رشاش او مسدس او صاروخ سكود عشان اول ما السفاح يطلع يروح جايب اجله والبادى اظلم.

خامسا:: فى حالة قبضك على السفاح وتسليمه للشرطة تربح 500 جنيه عداً و نقداً ودى فرصه لاتعوض حيث اننا فى ايام غبره ومحدش لاقى العيش الحاف

{احمدوا ربنا و بطلوا ماديات}

سادسا:: السفاح يساعد على تقهقر ظاهرة التكدس فى المواصلات( حلوة تقهقر دى ) فكل مواطن خايف على عمره لن يجرؤ على ركوب اتوبيس مزدحم فيصادفه فيه السفاح فيجهز عليه و بالتالى سيعود النشاط لابناء الفراعنه من جديد فيذهبون الى اعمالهم سيرا على الاقدام

{يادوب يمضوا و يرجعوا لانهم هيوصلو على معاد الخروج}

سابعا:: وده اهم بند وهو متقولشى ايه اديتنا مصر و قول هندى ايه لمصر .. طبعا هنديها السفاح ودى تعتبر الفائدة الكبرى للسفاح حيث انه ينمى فى القلوب حب الوطن و زى محنا عارفيين حب الوطن فرض عليا افديه بروحى و عنيااا


اظن بعد فوايد السفاح دى كلها لازم نعمله تمثال و اظن المقولة هتتغير الى :

( لو لم اكن سفاحا لوددت ان اكون سفاحا )