أنا محجبة
بعد إيماني بأمر ربنا إن الحجاب فرض على كل مسلمة
علشان الأسباب التالية
علشان انا حرة
مش من حق حد يشوف مني اللي مش عاوزاه يشوفه إلا بإرادتي
ومن حقي اختار مين اللي يشوف مني أجمل ما عندي وهو زوجى
علشان أنا غالية
مينفعش أقلل من قيمة نفسي واخليها عرضة لكل العيون
علشان أنا باحترم نفسي
وشايفة نفسي كبيرة قدام نفسي
علشان انا جمالي مش خارجي وبس
ومن حقي ان اللي ييجي يتجوزني واللي هاديله الباقي من عمري واللي هديله كل مشاعري
مايختارنيش على مقاييس شكلية وبس أو تبقى هي دي العامل الأساسي في أختياره ليا علشان كدة مش ضروري يشوفني في كامل زينتي وجمالي قبل الجواز الأهم انه يحب روحي ويعجب بشخصيتي ويرتاح معايا
علشان أنا باخاف على أخويا في الله اللي بيشوفني في الكلية أو في المواصلات أو في الشارع
ويمكن يكون عاوز يقرب من ربنا وبيجاهد نفسه علشان يغض بصره فمرضاش لنفسي اني اكون سبب في اني افتنه
علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية
فمش ضروري يعني ازود عليه همومه وأخيله في الرايحة والجاية
ده غير حاجة مهمة كمان
الكفن بتاع النساء فيه حجاب
فاللي مش هتلبسه وهي حية بإرادتها طاعة الله
هتلبسه كدة كدة وهي رايحة قبرها
يبقى الأولى اطيع ربنا بإرادتي وأقابله وهو راضي عني واخد أجري كامل ولا اني ملبسوش غير وانا جثة واقابل ربنا وهو غضبان عليا
والأسباب اللي فوق دي
هي اللي فهمتني ليه ربنا فرض على النساء الحجاب
مش تعسير ولا تضييق
الحجاب فعلا عزة وكرامة لكل المسلمات