انواع البنات على النت اشكال والوان تعالو بقى شوفو منهم شوية

المفترية كتب:

تعالو بقى يا شباب اتفرجو على انواع البنات على النت




العاقلة


دى بقى تلاقيها بتتكلم بكل هدوء وبرودورزانة لحد ماتخنقك
وانت تفضل تتكلم وتحكى كأنك بتكلم نفسك او بتكلم واحدة خرسا


البريئة


دى بقى تفضل تسرح بيك وكل كلمة تقولك ايه مش فاهمة يعنى ايه؟
وهى اصلا سوسة وعارفة الكفت ومولودة على النت



فيرجينيا




دى بقى ياعم هاتحبها يعنى هاتحبها غصب عنك
حاطة صورتها على البوكس فى اول مرة عملت فيها شعرها
وكل ماتشوف حد دخل تعمل اوف لاين وبعد كدة اون لاين
حركات لجذب الانتباه حاجة ببلاش كدة بتقول يالى ماشوفتش شوف
والغريبة بقى انك لو قلتلها ايه القمر اللى فى الصورة ده انتى؟
تقولك ياخبر هى الصورة لسة موجودة انا شيلتها علشان المعاكسات
وهى اصلا نفسها تنزلها باك جراوند للماسنجر

الاجنبية


انا اسمى دوللى بابى مصرى ومامى لبنانية
انا لما بركب العربية بشغل الايركونديشن مع السى دى
وبعمل شوبنج بجد ببقى فرى اوى اوى
انت حد حلو اخر حاجة
اوكى يا سويتى بليز ارد على الموبايل
وتروح وترجع بعد شوية تقولك سورى يا بيبى
كل كلمة منها وراها سورى-بليز-ريلى-ثانكس
وتطلع فى الاخر من امبابه واسمها فرنسا وامها دلالة


الشقية



دى بقى دماغ تكلمك مرة وتحكى معاك فل الفل
تطلب موبايلها تديهولك بكل سرور بس تتحجج انها قافلاه النهاردة
طبعا اى رقم خارج الخدمة انت فاهم وتعملك ادد طبعا بكل سرور
واول ماتقفل معاك يا معلم وتشوفها تانى يوم
تكلمها تقولها انتى مش فاكرانى
تقولك طبعا يا قمر هو انا اقدر انساك
وايدها على الاجنور يا معلم وراحت عليك يا مان
شوف غيرها


الواقعة

دى بقى تشوفك تفضل تحكى عن نفسها لحد ماتزهققك
الناس بيقولو انى شكل اليسا ونانسى وهيفا مع بعض
ازاى مش شغلك طبعا
من غير ماتطلب رقمها تلاقيه اتكتب بقدرة قادر على التكيست
تطلب مقابلتها
اكيد انت طبعا نفسك تشوف المعجزة الالهية3 فى 1
تقولك اوكى ولو انها عمرها ماحصلت بس انا ارتاحتلك اوى
على فكرة انت هاتعرفنى علطول من غير مااوصف نفسى
انا شبه منى زكىبالظبططططططططططط
انت طبعا تضرب الحتة والنضارة ام 12 جنيه واللى فاصلت لما طلع عينك
علشان تاخدها ب10
وضارب الجيل
تروح قبل الميعاد تلاقيها مستنية من الظهر واقعة واقعة
تفضل تدور على فاتنة الفاتنات ماتلاقيهاش
وهى طبعا تعرفك وش
تلاقى واحدة واقفة تشاورلك من بعييييييييييييييييييييييييييد
تقرب عليك تلاقيها شبه احمد زكى
شكلها يعلم ابليس الفضيلة
شكل بطن رجلك بالظبط
طبعا هى مستغربة من نظراتك هاتقولك انا قلتلك انا شبه احمد زكى
وانت سمعتها منى زكى


العبيطة


دى اول مرة تعرف يعنى ايه شات
اى حد يكلمها تفرح جدا وتضيفه شغالة ارسال واستقبال لكله
شغالة حكاوى عن العيلة كلها وعن نفسها وأدد لاى ايميل يقابلها
وكل ماتقولها على حاجة تقولك هى فين مكانها
اجيبها ازاى علمنى طيب انا اول مرة ادخل
يلة واحدة هبلة فرصتك يا مان


المفترية


دى بقى قصة!!!!!! بتكلم 10 فى نفس واحد
وتكرر الكلام كوبلى وتحلف بحياتك يا بيبى اول مرة تكلم ولد
وهى ميلها مافيهوش ريحة البنات طبعا
كل كلمة تقولك يا سكر يا قمر انت تحفة انت بجد حد لذيذ موت
انا هتعود عليك كدة يا سويتى
وهى منفضة للكل والكل عندها مجرد كتابة واسم


الحزينة


دى اول ماتكلمها تبعتلك اسمايل كئيب وشوية واغنية كئيبة
طبعا انت جنتل وقلبك كبير هتسأل المزة مالك يا قمر
تقولك سبب حزنها فشل فى قصة حب ولسة خارجة من التجربة
امبارح وقاعدة هنا علشان انسى قال يعنى بتشرب خمرة هنا
انا اتجرحت واتخانت وهكذانا بكره الرجالة بكرههم بكرهم اهىء اهىءاا
وعليك يا بطل تداوى الجرح هاتقولها بس مش كل الرجالة كدة
هاتقولك اانا فعلا من اول ماكلمتك حاسة انك مختلف عنهم
فى نص ساعة بس الاختلاف ده حصل ازاى مش شغلكم
هاتقولها طيب جربى تانى هاتقولك خايفة اتجرح
هتقولها ماتخافيش انا معاكى هاتقولك اوكى هجرب تانى وامرى لله
هاتطلب رقمك طبعا هاتديهولها هاتديك رنة وتشيل انت الليلة يا معلم
مش انت عامل فيها جنتل وطبيب جراح اشرب بقى

الانسة حنفى


ايميلها عليه صور لعيبة كورة الفونت بتاعها مقاس 98
ولونه ازرق غامق
وكل كلمة تقولك هاهاهاهاهاهاهاهاها حلوة يا مان
شكرا ليك يا برنس- لما تنده عليك تقولك انت فين ياض
ومقضياها ضحك زى الهبلة على اى حاجة وبيس يا مان اشوفك امس سلاموز


طنط باكينام


دى بقى متجوزة ومخلفة وعيالها فى المدرسة وجوزها فى الشغل
وهى عايشة مراهقة متاخرة على النت مع الشباب
ضاربة صورة لنانسى واسم ايميلها كله دلع وجرأة
وسنها مابيزيدش عن ال18 سنة وكل يوم قصة شكل
وعمرها ماتقبل فويس منك علشان الاولاد بيتنططو
طبعا حوالين ماما المراهقة


الرخمة


تقولها نتعرف تبعت سمايل لآ
طب نتكلم تقول مابكلمش حدمعرفهوش
كأنها داخلة بيتها وشافت حد غريب
تقولها طب اسمك ايه تبعت اسمايل واحد مطلع لسانه
كل ماتقولها كلمة ظريفة تقولك خفة اوى
تزهق منها وتقولها طب داخلة نت ليه
تقولك مش شغلك يا باردخليك فى حالك
صباح الرخامة والتناحة
تبعت اضافة ترفضها وشغالة سمايلز لسان ولا
وخليك كووووووووووووووووول يا مان


تحياتىىىىىىىىىىىىىىىىىىىىىى


:lol: :lol: :lol: